NEWS - Vikas Seva Bahuuddeshiya Sanstha

Vikas Seva
Vikas Seva
Go to content

NEWS :

एक सलाम सदफ आणि राणी तुम्हाला
(दि. २८ ऑगस्ट २०२१, कुंभार्ली, चिपळूण.)

   समाजसेवा आणि त्याचबरोबर निसर्गसेवा म्हणजे काय असत तर ते म्हणजे SRCO हेच. कसं काय जमत बुवा तुम्हाला हा मलाच एक प्रश्न पडला आहे. तसा मी दंगेखोर त्याचबरोबर विचारी माणूस आहे. पण आज ज्यावेळी घाट माथ्यावर पोहचलो त्या बायकांना पाहिलं, ती चिमुरडी मुलं त्याचबरोबर एक डोळा गेलेले ते काका. अरे बाप रे माझ्या आतल्या माणसाला लाज वाटली अशीच काही ती परिस्थिती माझी झाली. कोल्हापूर पर्यंत पोहचेपर्यंत आणि आता या भावना मांडे पर्यंत मी त्या घाट माथ्यावरच आहे. सगळी मुलं देवाची, मग कोण असं का राहतं? हा प्रश्न मी त्या भगवंताला विचारत आहे. पण भगवंताने आयुष्य पूर्णरूपी निसर्गात जगायचं वरदान त्या आदिवासी पड्यातल्या लोकांना दिल आहे हे मात्र नक्की. ते जीवन तो आर्त सर्व काही देणारा निसर्ग त्या लोकांच्या जवळ आहे आणि त्यासाठी आम्हाला पैसे आणि वेळ मोजावा लागतो. आणि तो वेळ पण फार तर 2-4 दिवसाचा तेवढाच काय तो आमचा आनंद. पण मंदार वैद्य साहेबांच्या मूळे आपण भेटलो हेच माझे भाग्य म्हणेन.

   तुम्ही करत असलेले काम वंदनीय आहे. त्याची तुलना मी कोणाशीच नाही करू शकत किंबहुना ते करणेच चुकीचे आहे.  मी इतकी वर्षे जी काय सेवा करतोय त्याला खऱ्या अर्थाने आता पालवी फुटू लागलीये; त्याचे श्रेय मी आम्रपाली मॅडम ना देईन. १ महिन्याच्या ओळखीत आम्ही Care for Smile हा प्रोजेक्ट कुंभार्ली साठी आखला. त्याची सुरवात एक महिण्यामागे झाली आणि आता तो नावारूपाला येईल हे मात्र नक्की. आश्वासन देणं माझ्या रक्तात नाही बसत पण तुमच्या साठी तळमळ ही खरच मनापासून आहे नक्की आम्ही काहीतरी चांगलं करायचा प्रयत्न करू हे नक्की.

सागर ओतारी
ओझोन मेडिकेअर

मित्र श्री. सागर ओतारी यांची ही एक प्रातिनिधिक प्रतिक्रिया.

झोमॅटो फिडींग इंडिया, ओझोन मेडिकेअर, श्रीमंत जिजाऊ फौंडेशन यांच्या पुढाकाराने आणि SRCO च्या सहकार्याने काल दि. २८ ऑगस्ट २०२१ रोजी यशवस्वीरित्या पार पडलेल्या "देणगी स्वरूपात जमा झालेली मदत गरजूंपर्यंत पोहोचवण्याच्या सत्कार्यात" आपल्या संस्थेने एक छोटा वाटा उचलला याचा मनस्वी आनंद आहे. येथून पुढे देखील आम्ही या कार्यात नक्कीच सहभागी असू.

-
विशाल चंद्रशेखर बेलुरे

विकास बहुउद्देशीय सेवाभावी संस्था,
नांदेड.
With an intention to serve our society and for that matter our nation and the entire humanity as well; we are proud to establish ourselves as a family of committed members marching towards success.
Back to content